Крымінальную справу на намесніка міністра ўнутраных справаў не пачыналі?
Прынамсі, ні ў Следчым камітэце, ні ў КДБ няма інфармацыі пра пачатак такой справы супраць зволенага Алега Пякарскага.
Пра гэта паведамляе інфармацыйнае агенцтва БелаПАН. Нагадаем, першага намесніка міністра звольнілі 16 студзеня ўказам кіраўніка дзяржавы. Афіцыйная прычына — учынкі, якія дыскрэдытуюць званне супрацоўніка органаў унутраных справаў.
Дарэчы, яшчэ аднаго намесніка міністра — Яўгена Полудня месяц таму адпраўлялі ў адстаўку з такой самай фармулёўкай. Амаль адначасова на Полудня пачалі крымінальную справу. Яго абвінавацілі ў злоўжыванні службовымі паўнамоцтвамі.
