Канавалаву і Кавалёву прысудзілі смяротную кару
Такі прысуд 30 лістапада вынес суддзя Вярхоўнага суда Аляксандр Федарцоў.
Па просьбе пацярпелых 114 старонак выраку зачытваліся цалкам. Абвяшчэнне прысуду доўжылася больш за 4 гадзіны.
Суд палічыў даказанай віну Дзмітрыя Канавалава і Уладзіслава Кавалёва ў выбухах у 2005 годзе ў Віцебску, а таксама ў 2008 і 2011 гадах у Мінску. Паводле высноваў суда Канавалаў вінаваты ў тым, што ладзіў выбухі, а Кавалёў — у неданясенні і саўдзеле.
