Грамадскую актывістку абвінавачваюць у нелегальнай журналістыцы
Брэсцкая абласная пракуратура вынесла папярэджанне за працу на замежнае СМІ без акрэдытацыі актывістцы АГП Аліне Літвінчук.
Літвінчук выклікалі ў пракуратуру, дзе ёй уручылі папярэджанне. Ёй сказалі, што выявілі нейкія артыкулы на “Радыё Рацыя”, якія быццам бы пісала яна.
Актывістка адпрэчвае супрацоўніцтва з “Радыё Рацыя” ці з іншымі замежнымі СМІ. Пагатоў, што яе нават не азнаёмілі з матэрыяламі пракурорскай праверкі. Аліна Літвінчук будзе абскарджваць папярэджанне, перадае Радыё Свабода.
Актывістка з’яўляецца міжнародным сакратаром моладзевай арганізацыі Аб’яднанай грамадзянскай партыі.
