Гомельскія траспартнікі губляюць з-за школьнікаў 160 млн штомесяц
Бясплатны праезд для школьнікаў прынёс гомельскаму "Гарэлектратранспарту" дадатковыя штомесячныя страты ў 160 млн рублёў.
Нагадаем, што ў студзені былі павышаныя тарыфы на электраэнергію. Дадатковыя выдаткі на яе каштавалі транспартнікам 150 млн рублёў штомесяц. Але калі гэтая сума пакрываецца бюджэтам, то страты з-за бясплатнага праезду школьнікаў пры планаванні бюджэту прадугледжаныя не былі.
Як паведамляе газета “Савецкі раён”, кіраўніцтва гомельскай гарадской ЖКГ бачыць рашэнне праблемы ў неадкладным падаражэнні праезду хаця б на чвэрць.
