Генпракуратура: Апазіцыйныя палітыкі не скардзіліся на "спіс невыязных"
Ніводнага звароту ад палітыкаў, журналістаў і іншых грамадзян, якім адмовілі ў выездзе з Беларусі, у Генеральную пракуратуру не паступала.
Пра гэта, па звестках interfax.by, заявіў супрацоўнік Генпракуратуры Павел Елісееў. Па яго словах, такія абмежаванні павінны накладацца ў адпаведнасці з заканадаўствам і могуць быць абумоўленыя судовымі спагнаннямі або ўдзелам грамадзяніна ў судовым працэсе.
Елісееў падкрэсліў, што Генпракуратура правядзе праверку, калі атрымае такія звароты.
