"Гавары праўду" і "За свабоду" павіншавалі Статкевіча пікетам (фота)
Арганізацыі зладзілі супольны пікет, на якім прапаноўвалі мінакам павіншаваць палітвязня.
Адным Статкевічам, якому 12 жніўня споўнілася 56 гадоў, арганізатары не абмежаваліся - падтрымаць тэлеграмай можна было любога з палітвязняў. Для гэтага кожны ўдзельнік пікету быў гатовы прадаставіць свой асабісты тэлефон.
Наведвальнікі "Камароўкі" міма не праходзілі - большасць спынялася ля пікета.
Без цацачнага мядзведзя таксама не абышлося. Ён "трымаў" балёнікі з прозвішчамі палітвязняў.
На суседнім пікеце, дзе збіралі подпісы за галоўнага урача адной з паліклінік, было не так шматлюдна.
Арганізатарам пікета часам было няпроста адбівацца ад прыхільнікаў афіцыйнага курса.
Міхаіл Пашкевіч і Андрэй Дзмітрыеў заклікалі віншаваць Статкевіча праз мегафон.
Паштоўка ад Мілінкевіча.
Дзмітрыеў спрачаецца з пенсіянеркай. Даведаўшыся, што той быў 19 снежня 2010 году на плошчы Незалежнасці, жанчына абазвала Дзмітрыева "падонкам" і з пікету сышла.
