Фотафакт: У Мінску снег пабіў аўто, прыпаркаванае ў 2 метрах ад будынку
Міліцыянты, якія прыехалі на месца здарэння, кажуць, што 20 лютага гэта не першы выпадак. І, відаць, не апошні.
Здарэнне з аўтамабілем Toyota адбылося ў двары на вуліцы К. Маркса ў Мінску. Яшчэ адна машына была пабітая снегам з даху на вуліцы Ульянаўскай.
Па словах супрацоўнікаў ДАІ, вінаватымі ў такіх выпадках звычайна прызнаюцца ўладальнікі будынкаў. Кіроўцы маюць права патрабаваць ад іх грошы на рамонт аўтамабіля.
"Вырашыць" гэтую сітуацыю можна і без суда. Але калі вінаватыя не хочуць ісці на міравую, даказаць іх віну і атрымаць кампенсацыю можна толькі ў судовым парадку.
