Еўрапарламент прагаласаваў за ўступленне Харватыі ў ЕС
За гэтае рашэнне прагаласавала 564 дэпутаты. Супраць выступілі 38.
Наступным крокам стане падпісанне дамовы аб уступленні Харватыі ў Еўрасаюз 8-9 снежня на пасяджэнні Еўрапейскага Савета. Пасля гэтага дамова павінна быць ратыфікаваная ўсімі 27 дзяржавамі-членамі ЕС.
Чакаецца, што Харватыя стане 28-м членам ЕС у ліпені 2013 года, паведамляюць інфармагенцтвы.