БЕЛТА цытуе Зянона Пазьняка: сапраўднай апазіцыі няма (відэа)
Дзяржаўнае інфармацыйнае агенцтва нечакана вырашыла працытаваць адно з інтэрв'ю лідара КХП-БНФ, які ад 1996 года жыве за мяжой.
БЕЛТА адзначае, што Зянон Пазьняк даў інтэрв'ю InterPolitTV. У ім палітэмігрант выкладае сваё бачанне стварэння цяперашняй беларускай апазіцыі. На яго погляд, яна паўстала пры ўдзеле кіраўніка місіі АБСЕ ў Мінску Ханса-Георга Віка. Была названая сума, якая, нібыта, была патрачаная Захадам на апазіцыянераў.
Зянон Пазьняк таксама скрытыкаваў заходніх палітыкаў, якія, паводле яго словаў, ажыццяўляюць свае інтарэсы ў нашай краіне.
