Беларусы пераконвалі расіян, што валюта Зімбабвэ і Славеніі — гэта еўра
Двое беларусаў былі затрыманы ў Смаленскай вобласці. Іх будуць судзіць у Расіі за збыт фальшывых грошай.
Як паведамляе сайт vesti.ru, мужчыны набывалі дарагія ювелірныя вырабы за падробленыя еўра. Пры гэтым адзін з іх знаходзіўся на той момант у вышуку ў Расіі.
Купюры былі зроблены на аснове валюты Зімбабвэ і Рэспублікі Славенія. У адной з крамаў беларусаў зафіксавалі камеры відэаназірання. Гэта дапамагло скласці арыентыроўку, якая была разасланая па раёнах вобласці.