Беларускія палітэмігранты папросяць еўрадэпутата падтрымаць санкцыі
16 лютага ў Страсбургу пройдзе сустрэча прадстаўнікоў Офісу беларускай палітычнай эміграцыі з дэпутатам Еўрапарламента.
Яны сустрэнуцца з прадстаўніком Нямеччыны, сябрам “Еўрапейскай народнай партыі” Міхаэлем Гахлерам. Беларусы хочуць перадаць дэпутату свае прапановы. Яны хочуць узмацніць санкцыі супраць беларускага рэжыму і пашырыць спіс асобаў, якім забаронены ўезд у краіны Еўрасаюзу.
Нагадаем, што 9 лютага такую ж сустрэчу Офіс беларускай палітычнай эміграцыі правёў з еўрадэпутатам ад Польшчы Марэкам Мігальскім.