Бабруйчанін незаўважна выкраў 4,5 тоны цэглы
26-гадовы мужына скраў з тэрыторыі Асіповіцкага завода 1320 цаглін. Цэгла належала бабруйскаму будтрэсту №13.
13 кастрычніка на бабруйчаніна пачалі крымінальную справу. Агульная сума крадзенага ацэньваецца ў 1 млн 200 тысяч рублёў.
Дарэчы, сярэдняя вага адной керамічнай цагліны каля 3,5 кг. Атрымліваецца, што прадпрымальны бабруйчанін за адзін раз здолеў незаўважна вывезці з завода 4,5 тоны цэглы. Адбылося гэта 9 верасня, але выявіць падазронага змаглі толькі праз месяц.
Тым не менш, пад варту бабруйчаніна не бралі — ён кампенсаваў шкоду, нанесеную прадпрыемству.
