Асамблея НДА святкуе пятнаццацігоддзе

Асамблея няўрадавых дэмакратычных арганізацыяў Беларусі была заснаваная 22 лютага 1997 года на ўстаноўчым кангрэсе, у якім удзельнічалі 250 арганізацый.

За 15 год Асамблея тройчы спрабавала легалізавацца ў Беларусі, але Мінюст, з розных прычынаў, адмаўляў у рэгістрацыі. У ліпені 2011 года Асамблея была зарэгістраваная ў Літве.

На сённяшні дзень яе сябрамі з'яўляюцца больш за 300 арганізацый, інфармуе прэс-служба Асамблеі.