Арганізатара Народнага сходу ў Слоніме аштрафавалі
26 кастрычніка суддзя Слонімскага раённага суда Іван Ластоўскі аштрафаваў Івана Бядко на 1 400 000 рублёў.
Нагадаем, што 8 кастрычніка ў гарадскім парку адпачынку Слоніма адбыўся Народны сход, на які прыйшло каля 30 чалавек. Падчас сходу былі затрыманыя арганізатары мерапрыемства, актывісты БХД Іван Бядко і Алесь Масюк.
У міліцыі на Бядко і Масюка былі складзены пратаколы затрымання за правядзенне несанкцыянаванага мерапрыемства.
Пазней Алесь Масюк быў аштрафаваны на 175 000 рублёў.
