Ангела Меркель нечакана прыляцела ў Афганістан
Канцлер Нямеччыны на вайсковай базе ў Мазары-Шарыфе на поўначы краіны сустрэлася з жаўнерамі Бундэсвера.
А вось наведаць базу нямецкіх узброеных сіалў у правінцыі Кундуз яна не змагла праз моцныя снегапады, паведамляе агенцтва "Франс Прэс".
Газета Die Zeit адзначае, што гэты візіт Меркель — чацвёрты па ліку. Апошні раз яна наведвала Афганістан у снежні 2010 года.
На дадзены момант там служаць да 4900 нямецкіх вайскоўцаў. За дзесяцігоддзе вайны ў Афганістане загінулі 52 жаўнеры і афіцэры Бундэсвера.
Фота — nytimes.com
