Андрэй Саннікаў знаходзіцца ў Бабруйскай калоніі
Учора ў 19 гадзін ён быў этапаваны з Магілёва ў Бабруйск.
Пра гэта паведаміў сёння начальнік магілёўскай турмы №4 Аляксандр Ламаза падчас сустрэчы з праваабаронцай Крысцінай Шацікавай.
Па яго словах, экс-кандыдат у прэзідэнты пераведзены ў бабруйскую папраўчую калонію №2. Стан яго здароўя здавальняючы. Перад адпраўкай у палітвязня праверылі ціск — ён быў у норме, кажа начальнік турмы.
