Аляксандр Лукашэнка прыбыў на Кубу
Беларускі кіраўнік прыляцеў туды з афіцыйным візітам.
У гаванскім аэрапорце імя Хасэ Марці беларускую дэлегацыю сустракаў намеснік міністра замежных справаў Дагаберта Радрыгес, паведамляе БелаПАН са спасылкай на Кубінскае агенцтва навінаў (ACN).
25 чэрвеня Лукашэнка правядзе перамовы з лідарам Кубы Раулем Кастра. Таксама ён ускладзе вянок да мемарыяла нацыянальнага героя Хасэ Марці на плошчы Рэвалюцыі ў сталіцы краіны.
Пасля Кубы беларускі кіраўнік наведае Венесуэлу і Эквадор.
