Ад Мікалая Статкевіча прыйшоў чарговы ліст
Яго 26 лістапада атрымала дачка палітвязня Кацярына.
Экс-кандыдат паведаміў, што з пачатку лістапада ён прызнаны цалкам працаздольным і працягвае працаваць на пілараме. Ён мяркуе, што да канца месяца цалкам акрыяе. Нагадаем, на лесапільні Статкевіч раней параніў руку.
Статкевіч піша, што некалькі месяцаў (ад сярэдзіны жніўня) не пісаў лістоў. Але ў кастрычніку адзін напісаў і ён дайшоў, хоць і за 11 дзен. Таму палітвязень вырашыў зноў адказваць на лісты.
