Абвяшчэнне прозвішчаў тэрарыстаў можа стварыць пагрозу жыццю іх сваякам
Пра гэта заявілі ў Цэнтры інфармацыі КДБ, а таксама ў прэс-службе Генпракуратуры.
Як заявілі "Ежедневнику" ў Цэнтры інфармацыі і грамадскіх сувязяў КДБ, а таксама ў прэс-службе Генеральнай пракуратуры, абвяшчэнне прозвішчаў меркаваных тэрарыстаў можа стварыць дадатковую пагрозу жыццю і здароўю грамадзян Беларусі.
"Вы зразумейце правільна, чаму не называюць іх прозвішчаў. Тут два аспекты. Па-першае, ідзе следства, і абвяшчэнне прозвішчаў можа перашкодзіць яго ходу. Па-другое, тут маральны складнік. Бо пасля абвяшчэння прозвішчаў можа пайсці сустрэчная хваля гвалту. Вось пра што гаворка. Разгалошваць нельга з пункту гледжання бяспекі сваякоў і навакольных. І для чаго вось гэта зроблена, я нават не ведаю. Людзі або не думаюць пра наступствы сваіх укідаў, альбо пераследуюць пэўную мэту, што вось быць першымі, што мы такія харошыя", — заявіў начальнік ЦІГС КДБ Аляксандр Антановіч.
Адносна таго, ці будуць ужывацца меры ў дачыненні да тых, хто агучыў прозвішчы падазраваных у тэракце, то тут А. Антановіч сказаў наступнае: "Генеральны пракурор пра гэта ўжо выказаўся дастаткова падрабязна і з майго боку будзе некарэктна яго інтэрпрэтаваць".
