16 верасня — гадавіна знікнення Ганчара і Красоўскага
Апазіцыйны палітык Віктар Ганчар і бізнэсмен Анатоль Красоўскі бясследна зніклі ў Мінску менавіта ў гэты дзень у 1999 годзе.
Пазней на меркаваным месцы знікнення — вул. Фабрычнай — былі знойдзеныя аскепкі шкла аўтамабіля Анатоля Красоўскага і кроў зніклых. У снежні 2002 года суд афіцыйна прызнаў Віктара Ганчара адсутным без вестак. А ў студзені 2003 года мінская гарадская пракуратура прыпыніла расследаванне крымінальнай справы па факце знікнення гэтых дзвюх вядомых асоб.
Беларуская апазіцыя дагэтуль патрабуе расследаваць знікненне Ганчара і Красоўскага. Такое ж патрабаванне прысутнічае ў дакументах міжнародных арганізацый.
Фота — bymedia.net
