15 кастрычніка — Міжнародны дзень белага кійка
Гэта дзень людзей, што маюць праблемы са зрокам. Белы кіёк стаў іх сімвалам ва ўсім свеце.
15 кастрычніка штогод грамадства мае нагоду, каб прыгадаць аб салідарнасці з тымі, хто кепска бачыць. Гісторыя белага кійка як сімвала невідушчага чалавека бярэ свой пачатак у 1921 годзе. Малады брытанскі фатограф Джэймс Бігс пасля няшчаснага выпадку страціў зрок і вымушаны быў перасоўвацца па горадзе пры дапамозе кійка. Але на яго чорны кіёк ніхто не звяртаў увагі. Тады ён пафарбаваў яго ў белы колер і кіёк стаў заўважным.
У Беларусі на сёння налічваецца больш за 19 тысяч інвалідаў па зроку.
