14 красавіка адновіць працу Маскоўская лінія мінскага метро
Пра гэта журналістам паведаміў старшыня Мінгарвыканкама Мікалай Ладуцька.
"Паўсталі дадатковыя тэхнічныя пытанні, таму на суткі адкрыццё першай лініі метро затрыманае. Але заўтра зранку а 5 гадзіне рух на першай лініі будзе адноўлены", — сказаў мэр сталіцы.
Згодна з ягонымі словамі, заўтра да канца дня адкрыецца станцыя "Кастрычніцкая" для ўвахода-выхада пасажыраў, перадае БЕЛТА.
Адказваючы на пытанне пра памер матэрыяльнай шкоды, нанесенай метро ў выніку тэракту 11 красавіка, ён адзначыў, што папярэдняя сума будзе вызначаная сёння пры канцы дня. "Гэта кошт некалькіх вагонаў метро, аздаблення, аднаўленчыя працы па граніце, асвятляльніках і іншыя", — дадаў Ладуцька.
