Расійская ракета пашкодзіла жылы дом ва ўкраінскім Краматорску — ёсць ахвяры
Наступствы ракетнага абстрэлу ў Краматорску / @pavlokyrylenko_donoda
Расійскія войскі нанеслі ракетны ўдар па цэнтры Краматорска (гэта ў Данецкай вобласці). Адзін чалавек загінуў, як мінімум яшчэ трое пацярпелі. Пра гэта паведаміў кіраўнік Данецкай абласной вайсковай адміністрацыі Павел Кірыленка.
"Расіяне ўдарылі ракетай па цэнтры горада. Паводле аператыўнай інфармацыі, пашкодзілі шэсць шматпавярховак", — напісаў Кірыленка ў Telegram. На месцы цяпер працуюць ратавальнікі.
У Генштабе УСУ сёння раніцай казалі, што Расія "выкарыстоўвае тактыку тэрору, невыбіральна абстрэльваючы населеныя пункты". Гэта сур'ёзнае парушэнне нормаў міжнароднага гуманітарнага права. У панядзелак расійскія войскі нанеслі па тэрыторыі Украіны пяць ракетных удараў, а таксама 35 авіяўдараў і здзейснілі 76 нападаў з выкарыстаннем РСЗА.
Пацярпелі некалькі шматкватэрных дамоў / @pavlokyrylenko_donoda
На месцы працуюць праваахоўнікі і ратавальнікі / @pavlokyrylenko_donoda
