Расіяне паведамляюць пра атаку на іх базу ВМФ у Наварасійску і "аб'екты" ў Крыме
![Выбухі ў Чорным моры каля Наварасійска / @bazabazon](/sites/default/files/styles/gallery_main/public/2023-08/war_4_08.jpg.webp?itok=BZejKW0n)
Выбухі ў Чорным моры каля Наварасійска / @bazabazon
Міністэрства абароны Расіі паведамляе пра атаку Узброеных Сіл Украіны на ваенна-марскую базу ў Наварасійску і нейкія аб'екты ў Крыме. У раёне паўвострава расійскія сродкі СПА збілі 10 беспілотнікаў, яшчэ тры былі падушаныя сродкамі радыёэлектроннай барацьбы. Пацярпелых і разбурэнняў няма, сцвярджаюць у расійскім вайсковым ведамстве. Выбухі, у прыватнасці, былі чутныя ў Феадосіі.
Ваенна-марскую базу ў Наварасійску, па словах Мінабароны РФ, УСУ атакавала двума марскімі безэкіпажнымі катэрамі. Іх знішчылі "са штатнага ўзбраення расійскіх караблёў, якія ажыццяўляюць ахову вонкавага рэйду ваенна-марской базы".
Між тым мясцовыя паблікі пішуць, што выбухі ў Наварасійску адбыліся ў раёне Паўднёвай Азярэеўкі, дзе размешчаны марскі тэрмінал Каспійскага трубаправоднага кансорцыума. Дроны атакавалі так званы "нафтавы маяк", праз які адбываецца прыём нафты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.