Расія мае прэтэнзіі да якасці беларускай солі
Беларускія вытворцы парушаюць нормы па ўтрыманні розных дамешкаў і ёду, цвердзіць расійскі бок.
Росспажыўнагляд у часе планавага кантролю знешніх паставак тавараў у Расію знашоў неадпаведнасці патрабаванням да харчовай прадукцыі ў солі ААТ “Мазырсоль” і ААТ “Белкалій”.
Як паведамляе ТАСС, парушэнні таксама выяўленыя і ва ўкраінскай прадукцыі ад кампаній “Арцёмсоль” і “Славянская соль”.
Паводле Росспажыўнагляду, дапушчаныя парушэнні па ўтрыманні розных дамешкаў і ёду, а таксама па арганалептычных паказніках. Цяпер Расія ўзмацняе санітарна-каранцінны кантроль гэтай прадукцыі на мяжы.
Раней расійскія кантралюючыя органы мелі прэтэнзіі да беларускай мясной прадукцыі. Россельгаснагляд забараніў пастаўкі прадукцыі з болей як 20 беларускіх прадпрыемстваў у сувязі з нібыта выяўленай неадпаведнасцю нормам і патрабаваннях.
На сёння санкцыі знятыя з шасці беларускіх прадпрыемстваў.
