Прэзідэнт ЗША заявіў пра ліквідацыю кіраўніка "Ісламскай дзяржавы"
Прэзідэнт ЗША Джо Байдэн заявіў пра ліквідацыю кіраўніка тэрарыстычнай арганізацыі "Ісламская дзяржава" Абу Ібрагіма аль-Хашымі аль-Курайшы. Контртэрарыстычная аперацыя была праведзена ўначы на загад Байдэна на паўночным захадзе Сірыі. Яна была накіравана "на абарону амерыканскага народа і нашых саюзнікаў, а таксама на тое, каб зрабіць свет больш бяспечным месцам", адзначыў прэзідэнт ЗША. Паводле яго слоў, усе амерыканскія вайскоўцы вярнуліся з аперацыі на базу.
Ліквідаваны Абу Ібрагім аль-Хашымі аль-Курайшы кіраваў "Ісламскай дзяржавай" пасля смерці восенню 2019-га Абу Бакра аль-Багдадзі.
President Biden, Vice President Harris and members of the President’s national security team observe the counterterrorism operation responsible for removing from the battlefield Abu Ibrahim al-Hashimi al-Qurayshi — the leader of ISIS. pic.twitter.com/uhK75WeUme
— The White House (@WhiteHouse) February 3, 2022
