Прэм'ера Рамана Галоўчанку чакаюць Іран і Сірыя
![Раман Галоўчанка (злева): ці ёсць жыццё падчас санкцый? / Ілюстрацыйнае фота sb.by](/sites/default/files/styles/gallery_main/public/2023-08/ze5kuiu5tksm2kj125x9o4x3mxbn6n7q_0.jpeg.webp?itok=zUnrAmxJ)
Раман Галоўчанка (злева): ці ёсць жыццё падчас санкцый? / Ілюстрацыйнае фота sb.by
22 лістапада прэм'ер-міністр Беларусі Раман Галоўчанка з'ехаў за мяжу. Як паведамляе ўрадавая прэс-служба, з афіцыйным візітам ён наведае Іран і Сірыю. Важная згадка не пра перамовы з кіраўніцтвам краін і ўдзел у бізнес-форуме, а "наведванне шэрагу прадпрыемстваў". Ці не іранскія баявыя дроны, ракеты, сярод іншага, цікавяць афіцыйны Мінск? У афіцыйным паведамленні згадваецца толькі біятэхналагічная кампанія CinnaGen.
У кастрычніку ў Іране знаходзіўся міністр замежных спраў Уладзімір Макей. Галоўчанка ж мусіць дасягнуць ужо канкрэтных вынікаў.
Турнэ прэм'ера скончыцца 24 лістапада ў Краснадарскім краі Расіі. У Сочы адбудзецца сустрэча з губернатарам.
![Прэм'ера Рамана Галоўчанку чакаюць Іран і Сірыя](/sites/default/files/styles/default_image_paragraph/public/paragraphs/image/9_10.jpg.webp?itok=ZgZCKTei)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.