Правайдары ў Беларусі пачалі разблакоўваць доступ да сайта dev.by
Правайдары аднаўляюць доступ да сайта dev.by / pixabay.com, ілюстрацыйнае фота
Беларускія правайдары пачалі разблакоўваць доступ да "айцішнага" сайта devby.io, паведамляе каманда праекта.
Звесткі пра блакаванне сайта ў Беларусі з'явіліся тыдзень таму. Уладальнікі інтэрнэт-рэсурсу казалі, што ніякіх папярэджанняў ад Мінінфармацыі не атрымлівалі.
Рэдакцыя сайта зрабіла запыт у ведамства і даведалася, што сайт заблакаваны ў Беларусі за адну гіперспасылку на інтэрнэт-рэсурс, які трапіў у спіс "экстрэмісцкіх матэрыялаў" ужо пасля публікацыі тэксту.
"Мы выдалілі гэтую спасылку і зрабілі запыт на разблакоўку. Паводле нашай інфармацыі, правайдары пачалі адкрываць доступ да сайта ў Беларусі", — піша каманда dev.by.
