Прадстаўнік Цапкалы абверг інфармацыю аб прыходзе супрацоўнікаў КДК

Прадстаўнік Цапкалы абверг інфармацыю аб прыходзе супрацоўнікаў КДК

Прадстаўнік Валерыя Цапкалы Аляксей Урбан абверг звесткі аб прыходзе супрацоўнікаў Камітэта дзяржкантролю. 

"Цяпер тут нікога няма, вы мяне няправільна зразумелі, яны былі ля штаба, не каля дома. Ператрусу ў штабе не было. Валера сядзіць насупраць, усё добра", — заявіў Урбан у каментары TUT.by.

Раней паведамлялася, што каля дома прэтэндэнта на прэзідэнцкую пасаду з'явіліся супрацоўнікі КДК. Гэтая інфармацыя прагучала на фоне звестак пра ператрусы ў "Белгазпрамбанку" і "ПрыватЛізінгу", блізкіх да іншага прэтэндэнта — Віктара Бабарыкі

Аднак прэс-сакратар КДК Кірыл Данілаў заявіў, што ў яго няма звестак пра знаходжанне супрацоўнікаў каля дома Цапкалы. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі