Пра страх і пераемніка Лукашэнкі: паліттэхнолаг Шкляраў даў першае інтэрв'ю
Паліттэхнолаг Віталь Шкляраў / day.gudkov.ru
Паліттэхнолаг, якога дзяржсакратар ЗША Пампеа выратаваў ад зняволення ў Беларусі, расказаў пра Расію ў закладніках у Лукашэнкі.
Апошнія паўгода паліттэхнолаг Віталь Шкляраў не даваў інтэрв'ю, не пісаў тэксты на заказ рэдакцый выданняў. Ён, здавалася, і зусім знік. 2 чэрвеня ў эфіры расійскага радыё "Эхо Москвы" ён расказаў пра Расію ў закладніках, пераемніка Лукашэнкі і адчуванне страху.
Шклярава затрымалі беларускія сілавікі ў канцы ліпеня 2020 года, калі ён прыехаў на радзіму да маці. Яго падазравалі ў садзейнічанні палітыку і блогеру Сяргею Ціханоўскаму.
У кастрычніку ён быў вызвалены пад хатні арышт. 24 кастрычніка Лукашэнка патэлефанаваў Пампеа і здолеў дамовіцца пра магчымасць для Шклярава выехаць у ЗША. Неўзабаве стала вядома, што забіраць з Беларусі паліттэхнолага прыязджаў спецпрадстаўнік прэзідэнта ЗША па справах закладнікаў. Пры гэтым крымінальную справу на Шклярава ў Беларусі не закрылі.
Пра сітуацыю ў Беларусі і Расіі
"Мне здаецца, што Расійская Федэрацыя і асабіста Пуцін становяцца закладнікамі, як і многія сталі закладнікамі рэжыму, як Пратасевіч стаў закладнікам і прадметам гандлю, як я быў закладнікам і прадметам гандлю. Стаўкі падвышаюцца. І гэта гульня не можа доўжыцца вечна, нельга трымаць сябе і сістэму ў стане стрэсу і страху. І я думаю, што рана ці позна прывядзе, хутчэй за ўсё, да краху, таму што гэта ненармальная сітуацыя. Нельга так жыць, нельга так людзям існаваць, заводзіць дзяцей і ствараць сям'ю".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.