Пра барацьбу крэслаў, стаўку на каліноўцаў і лёс палітвязняў — эфір з Усавым
Павел Усаў / Еўрарадыё
Два сігналы лукашэнкаўскаму рэжыму цягам некалькіх апошніх дзён прыйшлі з Украіны. Адзін ад прадстаўніка Аб’яднанага кабінета Валерыя Сахашчыка, які выклаў фота з генералам Залужным. Другі — з Макееўкі, дзе ўкраінскія ракеты прадэманстравалі, які лёс чакае як расійскіх акупантаў, так і іх саюзнікаў з Драздоў, якім варта было б задумацца пра свой лёс. А тут яшчэ і тэрарыст Гіркін непразрыста намякае Лукашэнку на Гаагу…
Што стаіць за публікацыяй Сахашчыкам фота з Залужным і пра што можа сведчыць сустрэча двух вайскоўцаў? Ці пачуе Захад сігнал з Мінска пра жаданне міру і перамоў? На якую рэакцыю Лукашэнкі разлічаныя заявы тэрарыста Гіркіна? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым.
