Півавары думаюць, як выратаваць піва ад беларускага ячменю?
Міністэрства
сельскай гаспадаркі прызналася, што ў сабраным ячмені існуюць невялікія
адхіленні ад нормы. На селектарнай
нарадзе прэзідэнт даў загад піваварам варыць піва толькі з беларускага ячменю. Маўляў,
няма чаго ў Еўропу нашыя грошы вывозіць.
А што будзе, калі піваварны ячмень стане толькі беларускім? Менавіта з такім пытаннем Еўрарадыё звярнулася да намесніка міністра сельскай гаспадаркі Васіля Паўлоўскага:
“Мы ў стане нарыхтаваць 100% свайго, добрага па якасці, ячменю. Калі мы выканаем тое, што запланавалі, нам не прыйдзецца нікуды звяртацца. А мы павінны выканаць”.
Але яшчэ рана казаць пра добрую адпаведную якасць прадукту. Па словах Васіля Паўлоўскага, адхіленні яшчэ існуюць:
“Па асобных абласцях і раёнах існуюць адхіленні ад ДАСТу. У гэтых выпадках гаспадарка на месцы дамаўляецца з піваварнымі заводамі. Калі і існуе невялікае адхіленне ад ДАСТу, перавышэнне бялку, ідзе адсоткавая залежнасць ад павышэння бялку да адсоткавага паніжэння кошту ячменю”.
Як дадаў Васіль Канстанцінавіч, ці трэба вырабляць з гэтага зерня піва, вырашаць ужо будуць пакупнікі соладу:
“Гэта вырашаюць піваварныя заводы. Яны дададуць добрага ячменю, недзе дадаткова прапусцяць праз фільтры. Калі ёсць невялікія адхіленні ад ДОСТу, існуюць спецыяльныя тэхналогіі і абсталяванне для атрымання добрай якасці”.
Менавіта такой апрацоўкай займаюцца на Лідскім піваварным заводзе. Там солад набываюць на Іванаўскім саладзільным заводзе. Як нас запэўніў дырэктар заводу Уладзімір Юфа, якасць піва ўсё роўна не пагаршаецца, але свае нязручнасці такі солад таксама прыносіць:
“Я не магу сказаць, што сёння іванаўскі солад дрэнны. Няхай ён не першага класа, а другога. Але, як бачыце, піва не горш за ўкраінскае і рускае. Канешне, калі б солад быў першага класа, то піва б было яшчэ лепш. Гэта паўплывае на фінансавы стан прадпрыемства, бо мы вымушаны дапрацоўваць солад да кандыцыі першага класа”.
А вось на пытанне, ці існуе розніца паміж нашым і замежным ячменем, ад Уладзіміра Юфы мы пачулі:
“Канешне, існуе розніца. Але не такая значная, каб крычаць “ратуйце!”
У адрозненні ад “Лідскага” піваварная кампанія “Сябар”, якая займаецца вытворчасцю піва “Баброў”, працуе толькі на імпартнай сыравіне. Але неўзабаве і яны будуць вымушаны перайсці на беларускі солад. Распавядае Сяргей, кіраўнік аддзелу закупак піваварнай кампаніі “Сябар”:
“Мы выкарыстоўваем замежны солад з Украіны. А ў будучым чакаецца вельмі добры і якасны ўраджай беларускага ячменю. Таму не выключана, што мы будзем працаваць ужо з беларускім. Ну, і яшчэ існуе шэраг аб’ектыўных прычынаў, якія будуць нас крыху прымушаць працаваць з беларускім ячменем”.
З замежным ячменем працуе сёння і “Крыніца”. Але ў гэтым годзе яны таксама збіраюцца цалкам пераходзіць на айчынны прадукт. Нават піва “Кальтэнберг”, якое вырабляецца сумесна з немцамі, будзе вырабляцца з нашай сыравіны.
Аднак, па словах дырэктара прадпрыемства Рыгора Пяткевіча, у немцаў усё ж такі існуюць свае патрабаванні:
“У немцаў існуе толькі адно патрабаванне – якасць ячменю. Каб ён адпавядаў патрабаванням высокай якасці. Такі ячмень вырастае і ў Беларусі, проста сёння яго яшчэ няшмат. Але з такога вялікага аб’ёму, які мы пераапрацоўваем, а на гэты год нам патрэбна 42 тысячы тон ячменю, для вытворчасці піва “Кальтэнберг” мы падбіраем высакаякасны ячмень, які таксама тут расце. Гэты ячмень тэстуюць на вытворчасці соладу нашыя немецкія тэхнолагі-півавары, якія пастаянна прысутнічаюць пры кожнай варцы гэтага піва. Яны задаволеныя нашай якасцю”.
А што будзе, калі піваварны ячмень стане толькі беларускім? Менавіта з такім пытаннем Еўрарадыё звярнулася да намесніка міністра сельскай гаспадаркі Васіля Паўлоўскага:
“Мы ў стане нарыхтаваць 100% свайго, добрага па якасці, ячменю. Калі мы выканаем тое, што запланавалі, нам не прыйдзецца нікуды звяртацца. А мы павінны выканаць”.
Але яшчэ рана казаць пра добрую адпаведную якасць прадукту. Па словах Васіля Паўлоўскага, адхіленні яшчэ існуюць:
“Па асобных абласцях і раёнах існуюць адхіленні ад ДАСТу. У гэтых выпадках гаспадарка на месцы дамаўляецца з піваварнымі заводамі. Калі і існуе невялікае адхіленне ад ДАСТу, перавышэнне бялку, ідзе адсоткавая залежнасць ад павышэння бялку да адсоткавага паніжэння кошту ячменю”.
Як дадаў Васіль Канстанцінавіч, ці трэба вырабляць з гэтага зерня піва, вырашаць ужо будуць пакупнікі соладу:
“Гэта вырашаюць піваварныя заводы. Яны дададуць добрага ячменю, недзе дадаткова прапусцяць праз фільтры. Калі ёсць невялікія адхіленні ад ДОСТу, існуюць спецыяльныя тэхналогіі і абсталяванне для атрымання добрай якасці”.
Менавіта такой апрацоўкай займаюцца на Лідскім піваварным заводзе. Там солад набываюць на Іванаўскім саладзільным заводзе. Як нас запэўніў дырэктар заводу Уладзімір Юфа, якасць піва ўсё роўна не пагаршаецца, але свае нязручнасці такі солад таксама прыносіць:
“Я не магу сказаць, што сёння іванаўскі солад дрэнны. Няхай ён не першага класа, а другога. Але, як бачыце, піва не горш за ўкраінскае і рускае. Канешне, калі б солад быў першага класа, то піва б было яшчэ лепш. Гэта паўплывае на фінансавы стан прадпрыемства, бо мы вымушаны дапрацоўваць солад да кандыцыі першага класа”.
А вось на пытанне, ці існуе розніца паміж нашым і замежным ячменем, ад Уладзіміра Юфы мы пачулі:
“Канешне, існуе розніца. Але не такая значная, каб крычаць “ратуйце!”
У адрозненні ад “Лідскага” піваварная кампанія “Сябар”, якая займаецца вытворчасцю піва “Баброў”, працуе толькі на імпартнай сыравіне. Але неўзабаве і яны будуць вымушаны перайсці на беларускі солад. Распавядае Сяргей, кіраўнік аддзелу закупак піваварнай кампаніі “Сябар”:
“Мы выкарыстоўваем замежны солад з Украіны. А ў будучым чакаецца вельмі добры і якасны ўраджай беларускага ячменю. Таму не выключана, што мы будзем працаваць ужо з беларускім. Ну, і яшчэ існуе шэраг аб’ектыўных прычынаў, якія будуць нас крыху прымушаць працаваць з беларускім ячменем”.
З замежным ячменем працуе сёння і “Крыніца”. Але ў гэтым годзе яны таксама збіраюцца цалкам пераходзіць на айчынны прадукт. Нават піва “Кальтэнберг”, якое вырабляецца сумесна з немцамі, будзе вырабляцца з нашай сыравіны.
Аднак, па словах дырэктара прадпрыемства Рыгора Пяткевіча, у немцаў усё ж такі існуюць свае патрабаванні:
“У немцаў існуе толькі адно патрабаванне – якасць ячменю. Каб ён адпавядаў патрабаванням высокай якасці. Такі ячмень вырастае і ў Беларусі, проста сёння яго яшчэ няшмат. Але з такога вялікага аб’ёму, які мы пераапрацоўваем, а на гэты год нам патрэбна 42 тысячы тон ячменю, для вытворчасці піва “Кальтэнберг” мы падбіраем высакаякасны ячмень, які таксама тут расце. Гэты ячмень тэстуюць на вытворчасці соладу нашыя немецкія тэхнолагі-півавары, якія пастаянна прысутнічаюць пры кожнай варцы гэтага піва. Яны задаволеныя нашай якасцю”.
