Памёр расійскі журналіст Мікалай Сванідзэ
![Мікалай Сванідзэ](/sites/default/files/styles/gallery_main/public/2024-09/svanilze.jpg.webp?itok=EKhO1LjU)
Мікалай Сванідзэ / РИА Новости
У Маскве памёр вядомы журналіст Мікалай Сванідзэ. Доўгі час ён працаваў на тэлебачанні. У прыватнасці, выпускаў дакументальныя перадачы пра гісторыю Расіі XX стагоддзя "Гістарычныя хронікі з Мікалаем Сванідзэ".
У 2023 годзе лекары дыягнаставалі ў журналіста ішэмію галаўнога мозгу. Газета "Известия" піша, што ён памёр ад ускладненняў, выкліканых пнеўманіяй.
У 2020 годзе Сванідзэ падтрымаў беларускія пратэсты, жадаў беларускім пратэстоўцам перамогі. "Жадаю не толькі таму, што вы мне глыбока сімпатычныя як народ, як краіна, але і таму, што мне вельмі падабаецца, як беларусы сябе паводзяць. Мы глядзім на вас і маем на ўвазе сваю ўласную будучыню. І ад таго, што і як атрымаецца ў вас, можа залежаць тое, што атрымаецца ў нас", — казаў ён у інтэрв'ю TUT.BY.
Мікалаю Сванідзэ было 69 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.