Памежнікі абстралялі кантрабандыста на грузавіку
![Памежнікі абстралялі кантрабандыста на грузавіку](/sites/default/files/styles/gallery_main/public/2023-08/hruzavik-0504.jpg.webp?itok=HXUWmY8a)
Ужыць зброю давялося брэсцкім памежнікам 1 красавіка. Як паведамляе прэс-служба Дзяржаўнага памежнага камітэта, каля населенага пункта Селяхі Брэсцкай вобласці памежны нарад заўважыў грузавы аўтамабіль павышанай праходнасці "Урал 4320" без нумароў дзяржрэгістрацыі.
На ўсёй хуткасці аўтамабіль ехаў у бок беларуска-ўкраінскай мяжы. Спыняцца кантрабандыст, які незаконна перапраўляў машыну ва Украіну, не збіраўся і на патрабаванні памежнікаў не рэагаваў.
Каб затрымаць парушальніка і спыніць аўтамабіль, памежнікі ўжылі тэхнічныя сродкі прымусовага спынення і зброю. Ім удалося прабіць колы грузавіка. Каб прарвацца праз мяжу, кіроўцу не хапіла толькі аднаго метра.
Цяпер па гэтым факце ідзе дазнанне.