Памежнікі ў засадзе пад Пінскам злавілі замярзаючага бусла (фота)
Байцы Пінскага памежнага атраду, знаходзячыся ў засадзе, злавілі ў лесе ля вёскі Невель не шпіёна ці кантрабандыста, а замярзаючага бусла. Птушка ўжо ледзьве рухалася. Яе даставілі ў памяшканне, адагрэлі і накармілі. Зараз памежнікі шукаюць добраахвотніка, які б узяў на сябе клопаты аб далейшым лёсе бусла.
