Паліцыя Нью-Ёрка ўзнагародзіла беларуску, якая выратавала чалавека
![Настасся Горбань (у цэнтры) у 108 участку паліцыі Нью-Ёрка](/sites/default/files/styles/gallery_main/public/2023-09/hanna0_27_09.jpg.webp?itok=9GILmwkU)
Настасся Горбань (у цэнтры) у 108 участку паліцыі Нью-Ёрка / facebook.com/groups/BelarusUS
Беларуска Настасся Горбань атрымала падзяку ад паліцыі Нью-Ёрка за "надзвычайную смеласць, спагадлівасць, чалавечнасць, імгненную ацэнку сітуацыі і прыняцце мер для выратавання жыцця чалавека". Узнагароджанне прайшло ў 108-м участку паліцыі. Пра гэта распавядаецца на старонцы беларускай дыяспары ў ЗША ў Facebook.
Падчас прабежкі 20 жніўня Настасся ўбачыла на мосце паміж Бруклінам і Квінсам дзяўчыну, якая сядзела на краі моста і трымалася за парэнчы. Адчувалася, што дзяўчына хацела пакончыць з сабой. Настасся паспрабавала загаварыць з ёй, але тая не рэагавала. А потым раптам адпусціла рукі і пачала падаць. Але беларуска паспела яе схапіць — праўда, за нагу. Але здолела ўтрымаць да прыезду паліцыі, "якую, верагодна, выклікаў хтосьці з мінакоў", распавялі ў дыяспары.
![Полиция Нью-Йорка наградила белоруску, которая спасла человека](/sites/default/files/styles/default_image_paragraph/public/paragraphs/image/hanna_27_09.jpg.webp?itok=uSdSq67F)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.