Пад санкцыі Канады трапілі 9 прадпрыемстваў Беларусі з фінансавага сектару
![Канада ўводзіць новыя санкцыі супраць РФ і РБ / pixabay.com](/sites/default/files/styles/gallery_main/public/2023-08/kanada-1104.jpg.webp?itok=za0TNXuu)
Канада ўводзіць новыя санкцыі супраць РФ і РБ / pixabay.com
Канада ўвяла новыя санкцыі супраць Расіі і Беларусі, перадае DW.
З беларускага боку ў "чорны спіс" трапілі дзевяць прадпрыемстваў, звязаных з фінансавым сектарам.
З боку Расіі ў санкцыйны спіс трапілі кампанія "Канкорд менеджмент і кансалтынг", звязаная з Яўгенам Прыгожыным, кіраўнік Татарстана Рустам Мініханаў, 14 фізічных і 34 юрыдычныя асобы з Расіі, у тым ліку звязаныя з ПВК "Вагнер".
Таксама прэм'ер-міністр Канады Джасцін Трудо на сустрэчы з кіраўніком украінскага ўрада Дзянісам Шмыгалем паабяцаў новую вайсковую падтрымку Кіеву. У новы пакет ваеннай дапамогі Канада ўключыць 21 000 аўтаматаў, 38 кулямётаў і больш за 2,4 млн боепрыпасаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.