Пацёмкінскія "Дажынкі": у Жлобіне дзіцячы садок завесілі маляванымі вокнамі
Недабудаваны дзіцячы садок у Жлобіне перад фестывалем “Дажынкі” прыкрылі палатном з намаляванымі вокнамі.
Фота “рамонту” выклаў у сетцы "Аднакласнікі" жыхар Жлобіна Валер Безарукаў.
Дарэчы, Жлобін не "першапраходзец" у гэтай сферы: перад "Дажынкамі" ў Оршы ў 2008 годзе такімі самымі "шпалерамі" завешвалі рэшткі базылянскага кляштара, які ўжо другое дзесяцігоддзе стаіць без рамонту.
Нагадаем, што рэспубліканскі фестываль-кірмаш "Дажынкi-2013" праходзіць у Жлобіне 27-28 верасня.
