Па захадзе Беларусі ў чацвер пройдуць дажджы
Дождж, ілюстрацыйнае фота / pixabay.com
У чацвер, 26 сакавіка, у Беларусі ўначы чакаецца пераменная воблачнасць, удзень — воблачна з праясненнямі, паведамляе Белгідрамет.
Будзе пераважна без ападкаў, толькі па заходняй палове зранку і ўдзень пройдуць дажджы. Вецер прагназуецца паўднёвы, паўднёва-ўсходні слабы да ўмеранага.
Тэрмометры ўначы пакажуць ад 0 градусаў па ўсходзе да +7 градусаў па захадзе краіны. Удзень прагназуецца 12-18 градусаў цяпла, у заходніх і паўночна-заходніх раёнах будзе +7...+11 градусаў.
27 сакавіка чакаецца воблачнае з праясненнямі надвор'е. Уначы месцамі па Беларусі пройдуць невялікія кароткачасовыя дажджы, удзень будзе пераважна без ападкаў. Вецер чакаецца пераменных напрамкаў умераны, удзень на поўдні — парывісты.
Тэмпература паветра ўначы складзе 0...+6 градусаў. Удзень яна будзе вагацца ад 11 градусаў цяпла па захадзе да +20 градусаў па паўднёвым усходзе.
