Па ўсім свеце шукаюць календары 1986 года
Пасля надыходу 2014-га ў інтэрнэце ўзнік попыт на календары, якім ужо 28 гадоў.
Справа ў тым, што календары 1986 і 2014 гадоў цалкам супадаюць па днях тыдня. І цяпер шматлікія аматары парадоксаў спрабуюць набыць рарытэты, каб жыць па ім у бягучым годзе.
Як інфармуе БЕЛТА, у папулярных інтэрнэт-крамах цана на календары 1986 года вырасла ўжо да 100 долараў. Дзіўна, але іх адшукалі вельмі шмат і за адзін толькі дзень прадалі сотні асобнікаў. Пошукі працягваюцца: нямала людзей хацелі б зарабіць на продажы календароў, якія калісьці не былі выкінутыя.