Найпрыгажэйшай замужняй жанчынай Еўропы прызналі гродзенку Лану Глумакову

Лана Глумакова з Гродна стала пераможцай конкурсу на найпрыгажэйшую замужнюю жанчыну Еўропы "Mrs. Europe Globe", піша Hrodna.life.

Конкурс праходзіў з 12 па 15 кастрычніка ў Афінах. У ім удзельнічалі 10 жанчын. Акрамя Беларусі былі прадстаўніцы з Грэцыі, Казахстана, Мальты, Швецыі, Украіны і Расіі.

Дарэчы, пераможцай 2021 года была Маргарыта Смалянская з Манака, а ў 2020-м — Юлія Ігнатава з Украіны.

Лана Глумакова — заснавальніца гродзенскага рэкламнага агенцтва "На ура" і спа-салона "Honey Day". Таксама яна сузаснавальніца дабрачыннага праекта "Хвалі дабрыні".

Глумаковай 40 гадоў, яна замужам, мае дваіх сыноў. Валодае беларускай, рускай, англійскай, нямецкай і польскай мовамі.

У 2020 годзе Лана Глумакова прадстаўляла Беларусь на конкурсе "Mrs Globe" ("Місіс Зямны шар").

У 1998 годзе яна стала першай Міс Беларусь.