Вы тут

Напярэдадні гарачых выхадных паглядзіце, дзе ў Беларусі нельга купацца

Большасць пляжаў з "чорнага спісу" знаходзяцца ў Магілёўскай вобласці / pixabay

Спецыялісты санітарна-эпідэміялагічнай службы за тыдзень абследавалі 310 зон рэкрэацыі. І склалі спіс месцаў, у якіх лепш не купацца нават у самыя гарачыя выхадныя.

Можаце разгледзець іх на інтэрактыўнай карце.

Эпідэміёлагі абмежавалі купанне для дзяцей на трох пляжах. Гаворка ідзе пра пляж "Заходні" на рацэ Сож у Гомелі, гарадскім пляжы на рацэ Бярэзіна ў Бабруйску і месцы адпачынку "Рака Случ" у Слуцку.

Яшчэ ў трох зонах эпідэміёлагі прыпынілі купанне і дзяцей, і дарослых. У гэты спіс трапіла пляжная зона Салігорскага вадасховішча, пляж пры санаторыі ім. Леніна на Бярэзіне ў Бабруйску і пляж "ДРАЦ "Пціч" у Гомельскай вобласці.

Яшчэ на 11 пляжах купанне строга забаронена. У гэты "чорны спіс" трапілі наступныя зоны:

- гарадскі пляж у парку культуры і адпачынку "Прыдняпроўскі" ў Жлобіне,

- пляж на Дняпры ў раёне "Цэнтра алімпійскага рэзерву" ў Жлобіне,

- пляжная зона вадаёма пры санаторыі на рацэ Рыбчанка пад Радашковічамі,

- гарадскі пляж № 1 на рацэ Бярэзіна ў Бабруйску,

- гарадскі пляж на Дняпры ў Магілёве,

- пляж на Дняпры ў аграгарадку Палыкавічы Магілёўскага раёна,

- вадаём у вёсцы Вільчыцы Магілёўскага раёна,

- пляж Пячэрскага вадасховішча ў Магілёве,

- пляж Грабянёўскага вадасховішча ў Магілёва,

- гарадскі пляж, размешчаны на правым беразе ракі Дняпро у Шклове,

- пляж на рацэ Бася ў Чавусах.

Дзяржаўны санітарны нагляд за ўтрыманнем зон рэкрэацыі у перыяд купальнага сезона 2022 года працягваецца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.