Намінантамі Першай нацыянальнай літаратурнай прэміі сталі шэсць аўтараў
![Намінантамі Першай нацыянальнай літаратурнай прэміі сталі шэсць аўтараў](/sites/default/files/styles/gallery_main/public/2023-08/kniha-0609.jpg.webp?itok=S2mKXXLf)
На Дні беларускага пісьменства ў Шчучыне былі названыя намінанты Першай нацыянальнай літаратурнай прэміі.
Як перадае БЕЛТА, прэмію атрымалі шэсць аўтараў, хаця конкурс быў аб'яўлены па сямі намінацыях: прэмію за "Дэбют" не атрымаў ніхто. Агулам на конкурс было заяўлена 45 работ.
У цырымоніі ўзнагароджання прынялі ўдзел міністр інфармацыі Лілія Ананіч, старшыня афіцыйнага Саюза пісьменнікаў Беларусі Мікалай Чаргінец, а таксама міністр адукацыі Міхаіл Жураўкоў і міністр культуры Барыс Святлоў.
У намінацыі "Лепшы твор паэзіі" ўладальніцай прэміі стала Тамара Краснова-Гусачэнка за кнігу "Сустрэча". Уладзімір Саламаха з кнігай "І няма шляху чужога" стаў пераможцам у намінацыі "Лепшы твор прозы". У галіне драматургі лепшым названы цыкл сцэнарыяў для перадач "Зваротны адлік" (АНТ) беларускага сцэнарыста, празаіка, кандыдата гістарычных навук Наталлі Голубевай.
За "Лепшы твор публіцыстыкі" прэмію атрымаў Міхаіл Шыманскі — аўтар кнігі нарысаў "Мы гэтай памяці верныя". У намінацыі "Лепшы твор для дзяцей і юнацтва" прэміяй узнагароджаная Ганна Скаржынская-Савіцкая за кнігу казак "Надзейка-чарадзейка".
Таксама прэмію "Лепшы крытычны твор" атрымаў журналіст і крытык, кандыдат гістарычных навук Дзяніс Марціновіч — аўтар кнігі "Жанчыны ў жыцці Уладзіміра Караткевіча".
Фота з сацыяльных сетак