Надвор’е на панядзелак: у многіх раёнах будзе туман
У бліжэйшыя суткі, 14 кастрычніка, у Беларусі прагназуецца хмарнае з праясненнямі надвор’е, пераважна без ападкаў.
Толькі месцамі па Брэсцкай і Гродзенскай абласцях пройдуць невялікія дажджы. Уначы і раніцай у многіх раёнах чакаецца туман. Вецер пераменных напрамкаў, слабы.
Тэмпература паветра ўначы плюс 3-10 градусаў, па паўночна-ўсходняй палове замаразкі ад нуля да мінус 4. Удзень будзе 9-15 градусаў вышэй за нуль, перадае БЕЛТА са спасылкай на Белгідрамет.