На Жлобінскім мясакамбінаце ў кампрэсарным цэху абвалілася страха

5 студзеня ў 19:46 галоўны інжынер Жлобінскага мясакамбіната паведаміў у МНС, што ў кампрэсарным цэху прадпрыемства абвалілася дахавая лёгкаскідальная пліта.

Ратавальнікі агарадзілі і асвятлілі месца абвалу, заняліся абрэзкай металічнай арматуры. 

Пацярпелых пры здарэнні няма. Тэхналагічны працэс не парушаны.

Расследаваннем прычын здарэння займаецца камісія па надзвычайных сітуацыях Жлобінскага мясакамбіната.

Мяркуецца, што дах цэху абваліўся з прычыны старэння канструкцый.