На станцыі метро "Фрунзенская" на рэйкі звалілася жанчына
На станцыі метро "Фрунзенская" зранку 23 красавіка адбыўся няшчасны выпадак: на рэйкі звалілася жанчына, паведамляе БЕЛТА.
Здарэнне адбылося ў 8.28. Па словах прэс-службы метрапалітэна, жанчыне стала дрэнна, і яна павалілася на першы галоўны шлях. "Было знята напружанне, і супрацоўнікі метрапалітэна вывелі пасажырку праз кантавую брамку. У 8.33 напружанне было пададзена, і адноўлены рух цягнікоў", — распавялі супрацоўнікі метро.
