Вы тут

На плошчу Незалежнасці ў Мінску падагналі аўтазакі

Аўтазакі на плошчы Незалежнасці ў Мінску / Дзмітрый Брушко, TUT.by

Увечары 14 ліпеня на плошчы Незалежнасці ў Мінску фатограф TUT.by Дзмітрый Брушко заўважыў тры аўтазакі. 

Мяркуючы па ўсім, так беларускія ўлады рыхтуюцца да магчымых акцыяў нязгоды ў сувязі з тым што Цэнтрвыбаркам не зарэгістраваў Віктара Бабарыку і Валерыя Цапкалу кандыдатамі ў прэзідэнты. 

Як паведамлялася раней, двум альтэрнатыўным прэтэндэнтам, якія набралі больш за ўсё подпісаў у сваю падтрымку, ЦВК адмовіў у рэгістрацыі на пасяджэнні 14 ліпеня. 

Ні самі прэтэндэнты, ні іх штабы з заклікамі да вулічных акцыяў не выступаюць. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.