На наступным тыдні ў Беларусь вернуцца моцныя маразы — да мінус 21
![На наступным тыдні ў Беларусь вернуцца моцныя маразы — да мінус 21](/sites/default/files/styles/gallery_main/public/2023-08/000023_6352c8d5da452362432580a900502002_228868.jpg.webp?itok=Tw137BD9)
На наступным тыдні ў Беларусь вернуцца моцныя маразы. Як інфармуе БЕЛТА, у панядзелак, 6 лютага, на працягу сутак тэмпература паветра складзе ад мінус 3 да мінус 10 градусаў, на паўночным усходзе — 11-16 градусаў са знакам мінус. Кароткачасовы снег магчымы толькі на поўдні нашай краіны.
У аўторак і сераду кароткачасовы снег магчымы таксама толькі на поўдні. У начныя гадзіны чакаецца ад мінус 10 да мінус 17 (на паўночным усходзе — 18-21 градус ніжэй за нуль), у дзённыя гадзіны — ад -7 да -13 (на Віцебшчыне месцамі да мінус 14-16). У Брэсцкай вобласці на працягу сутак прагназуецца ад мінус 5 да мінус 19 градусаў.
Што да бліжэйшых дзён, то чакаюцца невялікія ападкі. Уначы тэмпература паветра складзе ад 3 да 13 градусаў марозу, удзень — ад 0 да мінус 7 градусаў.