На дне ракі Сож у Гомелі знайшлі чэрап бізона
![Нечаканая знаходка](/sites/default/files/styles/gallery_main/public/2024-08/bizon.jpg.webp?itok=oI4mKvqc)
Нечаканая знаходка / vk.com/gomel_osvod
На дне ракі Сож у Гомелі знайшлі чэрап бізона. Вадалазы выратавальнай станцыі "Заходняя" заўважылі яго пры правядзенні планавых заняткаў, піша sb.by.
На адным з участкаў рачнога дна, прыкладна ў сарака метрах ад берага, ёсць яма, глыбіня якой дасягае дзевяці метраў. Гэта робіць яе зручнай для трэніровачных спускаў. Удача ўсміхнулася пачаткоўцу вадалазу-выратавальніку Максіму Пікурыну. На дне ён убачыў дзіўны прадмет і вырашыў падняць яго на паверхню. Высветлілася, што гэта частка чэрапа старажытнай жывёлы. Знаходку перададуць у мясцовы музей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.