На Данбасе тэрарысты зноў прывязваюць людзей да слупоў (фота)
На гэты раз у Зугрэсе ў Данецкай вобласці здзекаваліся з невядомага мужчыны.
Як інфармуе hromadske.tv, раніцай яго прывязалі да слупа на перакрыжаванні каля дома культуры. Да яго была прымацаваная паперка з надпісам, што гэта — баец добраахвотніцкага батальёна "Данбас" з пазыўным "Зугрэс". Ён, нібыта, мясцовы жыхар і прыехаў на выхадныя "адпачыць і падлячыць нагу, пашкоджаную ў баях пад Ілавайскам".
Нагадаем, у жніўні ў Данецку тэрарысты з батальёна "Усход" прывязвалі да слупа ўкраінку, якую называлі "шпіёнкай". На шчасце, тая жанчына засталася жывая і змагла выехаць да сваёй сям'і на тэрыторыю, якую кантралююць украінскія сілавікі.
